🌹गुड मॉर्निंग🙋‍♂🌹

काय आहेत हे गुड मॉर्निंगचे संदेश?

हे आपल्याला सकाळी सकाळी मिळालेले एनर्जी अमृत आहे.फोन उघडताच असंख्य असे संदेश आलेले दिसतात.हाबघू,की,तो बघू असे होऊन जाते.आपण आपल्या सर्वात जास्त आवडत्या व्यक्तीचा मेसेज डोळे चोळीत चोळीतच सर्वात प्रथम वाचतो.आणि तीच एनर्जी घेऊन आपण भराभर पुढचे मेसेजेस वाचतो.कुणी अध्यात्मावर अधारीत, गाणे,प्रवचन आरती ,बोधपर लेख पाठविलेले असतात,तर काहींना सकाळी सकाळी विनोद पाठवायची लहर येते.काही आपल्याला दम देऊन,धमकी देऊनच खूप गोष्टी करा असे मेसेज पाठवितात.पण आपण मात्र सर्वात जास्त आवडलेला मेसेज डोक्यात ठेवून कामं आवरतो.

काही कारणाने मन उदास असेल तर एखाद्याच्या मेसेजने मनातल्या मनात हसू येते.मन प्रसन्न होते.महत्वाच्या कामाला जायचे असेल तर, बेस्ट लक, हार्दिक शुभेच्छा!हा मेसेज आपल्याला खूप ताकद देऊन जातो.मन दुःखी असेल आणि कुणी सांत्वनपर मेसेज पाठविला तर दुखऱ्या भागावर कुणी तरी हळूच फुंकर घातली असे वाटते.दुख हलके होते.गाणे,भजन,किर्तन, भावगीत, भक्तीगीत, अभंग वाचून मन पवित्र होते, शांत होते.सिनेमाची गाणी,नवी जूनी ऐकत ऐकत काम करणे यासारखे सुख या पृथ्वीवर दूसरे कोणतेच नाही, असे मला तरी वाटते.काही उगीचच गोळा फेक केलेले मेसेज असतात.पाठविणाराला स्वत:हालाच तो नीट समजलेला नसतो, आणि कुणाला पाठवायचे तेही कळत नसते.असा मेसेज टाईमपास मेसेज म्हणून सोडून द्यायचा असतो.वितभर फोन मध्ये आख्खे जग कसे विनातक्रार, विनासायास, गुडुप झालेले असते.'एवढीशी डब्बी छुन्नुक छाया,म्हातारी म्हणते अग्गो बया!

🤭 जादूची डब्बी कशी गच्च भरलेली आहे.पण आवाज मात्र,हू,का चू, नाही.

अशी ही गुड मॉर्निंग मेसेजेसची मज्जा, भरभरून लुटुया.👌🏻👌🏻👍🏻👍🏻🌹🌹

सौ.कमल उत्तम सोनजे.पुणे